‘मां छंत लुमंकाः’या म्युजिक भिडियो सार्वजनिक

येँ (नेपालभाषा टाइम्स) – नेपालभाषा म्युजिक भिडियो ख्यलय् मेगु छपु न्हूगु म्युजिक भिडियो पिहां वःगु दु। ‘मां छंत लुमंका च्वना’ म्येँया म्यजिक भिडियो बुधवाः सार्वजनिक याःगु खः ।

म्युजिक भिडियोया पितब्वज्या नांजाःम्ह ख्यालिजुजु मदनकृष्ण श्रेष्ठं यानादीगु खः । नेपालभाषा सांगीतिक ख्यलय् न्हू पिलू वःम्ह नदिम शाक्यं सः बियातःगु म्युजिक भिडियोय् वय्कःलिसें अमोघवीर वज्राचार्य, सुनिता श्रेष्ठ, अमोन चित्रकारं मुख्य मुख्य पात्रया रुपय् अभियान यानादीगु दु ।

अथे हे रामराजा भाम, बुलाल महर्जन, रेजिना वज्राचार्य, प्रविण भाम, मन्जिल शाक्य, सविनरत्न शाक्यं नं अभिनय यानादीगु म्युजिक भिडियोया छायाँकन व सम्पादन अमर चित्रकारं व निर्देशन सुरेन्द्र तुलाधरं यानादीगु खः । थुगु म्येँया च्वमि बेनी शाक्य खःसा संगीत नील शाक्यया खः ।