ने. सं. ११४६ बछलागा पञ्चमी -

येँय् जक ५७० थप

येँ (नेपालभाषा टाइम्स) – स्वनिगलय् शनिवाः छन्हुं हे ७११ म्ह कोरोना संक्रमितत थप जूगु दु। शनिवाः देयन्यंकं १२०४ म्ह संक्रमित थप जूगु खःसा थुकिया बछिं मल्याक स्वनिगलय् च्वंपिं लाःगु खः । म्हिगः येँय् जक ५७० म्ह, यलय् ५८ म्ह व ख्वपय् ८३ म्ह यानाः ७११ म्ह संक्रमितत लूगु खः । थुपिं मध्ये २७८ म्ह मिसापिं खः । अथेहे शनिवाः कोरोनां कःपिं ११ म्ह सीगु दु । स्वास्थ्य मन्त्रालयया कथं देय्न्यंकं शनिवाः तकया दुने कोरोनां कयाः सीपिं ४०१ म्ह थ्यंगु दु। नेपालय् वंगु भदौ २४ गते निसें न्हियान्हिथं द्वःछिम्हं मल्याक संक्रमितत लुया वयाच्वंगु दु ।