ने. सं. ११४६ बछलागा दशमी -

खाद्यान्न व तरकारी पसः सुथय् जक चायेके दइगु

येँ – स्वनिगः दुने कोरोना संक्रमिततय् ल्याः अप्वया वनेवं खाद्यान्न व तरकारी पसः सुथय् जक चायेकेबीगु जूगु दु ।

येँ, यल व ख्वपया जिल्ला अधिकारीतय् मुँज्यां कन्हय् निसें सुथय् ९ः१५ बजे तक जक खाद्यान्न, तरकारी, फलफूल व ला पसः चायेकेबीगु निर्णय याःगु खः । वासः लगायत स्वास्थ्य सामाग्री व लः धाःसा न्हिछि हे चायेकेदइगु खँ नं मुँज्यां क्वःछिउगु दु ।

थौं जक येँय् १ सय २६म्ह, यलय् १२ म्ह व ख्वपय् २८ म्हेसित कोरोना संक्रमण खनेदुगु दु । थ्व नापं स्वनिगः दुने २ हजार ९ सय स्वयां अप्व मनूतय्त संक्रमित जुइधुंकूगु दु ।