अञ्जन संवतय् प्रवचन व सहलह

येँ – दी शाक्य फाउण्डेसन नेपालया ग्वसालय् अञ्जन संवत्या विषययात कयाः प्रवचन व सहलह ज्याझ्वः जुल । झीसं झीगु संस्कृति, परम्परायात गुकथं न्ह्याका वयाच्वना धइगु खँ ध्वाथुइकेगु नापं इतिहासयात दुवालेगु ल्याखं उगु ज्याझ्वः जूगु खः । संस्थाया नायः अमीरमान शाक्यया सभापतित्वय् जूगु ज्याझ्वः पंचशील प्रार्थना यानाः न्ह्याःगु खः । फाउण्डेसनया न्वकु राजकाजी शाक्यं लसकुस यानादीगु ज्याझ्वलय् प्रमुख वक्ता स्वस्तिरत्न शाक्यं अञ्जन संवत मायादेवीया अबु अञ्ञ्जन शाक्यं स्वनादीगु धासें थुगु संवत्यात नेपाःया मौलिक संवत्या रुपय्छ्यलाबुलाय् हयेत इनाप यानादिल ।ज्याझ्वलय् डा. बज्रराज शाक्य, फाउण्डेसनया संस्थापक नायः देवकाजी शाक्य, त्रिविवि बुद्धिष्ट स्टडिजया विभागीय प्रमुख डा. मिलनरत्न शाक्य व हस्तकला महासंघया पुलांम्ह नायः इन्द्रबहादुर शाक्यंपिंसं थःथःगु टिप्पणी यानादीगु खः ।