सापारु सामान्य

येँ (नेपालभाषा टाइम्स) – म्हिगःया सापारु सामान्य कथं जक क्वचाःगु दु। म्हिगः सापारुया झ्वलय् बाजं थानाः वयेगु ज्या मजूसा सापारु वइपिं नं तसकं म्हो जूगु खः । म्हिगः सापारु छ्वयेमाःपिं छेँजःपिंसं नं सा वा गोसाईँ जक छ्वयाः रीत पूवंकेगु ज्या याःगु खनेदु ।

सापारु वःपिं आपाःसिनं माक्स तया वःगु खनेदुसा गुमिसं धाःसा फेक्ससिल नं तयावःगु खः । उकथं हे सापारु छ्वयेमाःपिं छेँजःपिंसं सुथ न्हापां हे मोटरसाइकलय् तयाः नं सापारु हःगु खने दत । सापारु वनीपिं मस्तय्त न्ह्यःने तयाः मोटरसाइकलय् थुकथं सापारु हयेमाःगु कारण कोरोना  भाइरस संक्रमण अप्वःगुलिं खः धकाः सम्बन्धित मनूतय्सं धाःगु दु। सापारुया झ्वलय् म्हिगः न्हापा न्हापा थें भिडभाड खने मदुसा सायाः वःपिंसं नं याकनं चाःहिलेगु ज्या सिधेकूगु खः ।

न्हापा न्हापा जूसा येँया थीथी थासय् हुलमुल जुइक दान याइपिं दयाच्वनीगु खःसा म्हिगः अज्याःगु दृश्य नं खने मंत । येँया विशेष यानाः हनुमानध्वाखा, भोताहिति, असं, थाय्मदु कुलांभुलु लागाय् दान यायेत आपालं मनूत मुनेगु यानाच्वनीगु खःसा थुगुसी म्हो जक मनूत उपस्थित जूगु खने दत । थुगुसी न्हापा थें समलिंगीतय् र्‍याली नं पिहां मवल ।

सम्बन्धित बुखँ

LEAVE YOUR COMMENTS