ने. सं. ११४६ चिल्लागा नवमी -

कक्षा १२या परीक्षा असोजं !

येँ (नेपालभाषा टाइम्स) – राष्ट्रिय परीक्षा बोर्डं कक्षा १२ या परीक्षा वइगु असोज महिनां न्ह्याकेगु कथं तयारी न्ह्याकूगु दु। सरकारं म्हिगः लकडाउन क्वचाःगु घोषणा यायेगु झ्वलय् भदौ १ गते निसें स्कूल, कलेजया परीक्षा न्ह्याकेगु निर्णय नं याःगु खः । थ्व हे निर्णयया आधारय् बोर्डं असोजं १२ कक्षाया परीक्षा कायेगु तयारी याःगु खः ।

बोर्डं असोज १५ गते दुने हे परीक्षा क्वचायेकेगु कथं तयारी यानाः मन्त्रालययाके अनुमति माग याःगु दु। शिक्षा, विज्ञान तथा प्रविधि मन्त्रालयं थुकिया अनुमित बिल धाःसा परीक्षाया निंतिं तयारी तच्वयेकेगु खँ बोर्डं धाःगु दु ।