बायर्नयात जर्मनकप

बर्लिन (एजेन्सी) – बायर्न म्युनिकं शनिवा: जर्मनकप त्याकूगु दु । उकिया नितिं बायर्नं बायार लेवरकुसनयात ४-२ बुकल । थ्वंया न्हय: बायर्न जर्मन बुंडेसलिगा नं त्याकेधुंकूगु दु । बायर्नं जर्मनकप त्याकूगु धा:सा थ्व २० क्व:गु ख: । बायर्नया थ्व जितय् रोबर्ट लेवनडोस्कीं निगू गोल यात व थ्व सिजनय् थ:गु ५० व्यक्तिगत गोल नं पूरा यात । आ: बायर्नं युरोपेली च्याम्पियन्स लिग त्याकेगुपाखे थ:गु ध्यान केन्द्रित याइगु जुइ ।

इटाली
जियानलुगी बुफोन इटालीया सिरी ए दकलय् अप्व: कासा म्हितुम्ह कासामि जूगु दु । युभेन्ट्सं शनिवा:या कासाय् टुरिनयात ४-१ बुकल व थुकिया झ्वलय् ४२ दँया बुफोनं ६४८ गू लिग कासा म्हितल । शनिवा:या हे मेगु कासाय् निगूगु थासय् च्वंगु लाजियो एसी मिलानया ल्हातं ३-० पराजित जुल । युभेन्ट्स आ: लिगया शीर्ष स्थानय् न्ह्यगु ल्याखं लाजियोसिबें च्वय् लाना च्वंगु दु ।

इटाली
इंग्लिस प्रिमियर लिगय् चेल्सीं शनिवा: हाकनं शीर्ष प्यंगूगु थासय् प्रवेश या:गु दु । थुकिया नितिं व वाटफोर्डयात ३-० बुकल । थुकिइ ओलिभर जिरोर्ड, विलियन व रोस बार्कलीं गोल यात । थ्वयां न्ह्य: म्यानचेस्टर युनाइटेडं बर्नमाउथयात ५-२ बुका: चेल्सीयात दबाब ब्यूगु ख: । थ्व कासा त्यायेवं छुं ईया नितिं म्यानचेस्टर शीर्ष प्यंगूगु थासय् नं थ्यंगु ख: । शनिवा:या हे मेगु निगू कासाय् लेस्टरं क्रिस्टल प्यालेसयात ३-० व आर्सनलं उल्भ्सयात २-० बुकल ।