लुँया भावय् न्हूगु रेकर्ड

येँ (नेपालभाषा टाइम्स) – नेपाःया लुँ वहः बजारय् लुँया भावं न्हूगु रेकर्ड कायम याःगु दु। म्हिगः छापावाल लुँ छतोलाया ९१,७०० तका कायम जूगु दु। नेपाल सुनचाँदी व्यवसायी संघया कथं वंगु मंगलवाः जक छापावाला लुँ छतोलाया ९१,२०० थ्यंगु खः । विश्वन्यंकं कोरोना भाइरसया संक्रमण तच्वया वनेवं लुँया भाः थहां वंगु खः । कोरोना भाइरसया संक्रमणया कारणं शेयर बजाःया लिसें पेट्रोलियम बजाः तकं प्रभावित जुइवं लगानीकर्तात लुँइ आकर्षित जूगुलिं लुँया भाः थहां वंगु खँ व्यापारीतय्सं धाःगु दु ।