नेपाःया रेल भारतया ग्यारेजय् थात

येँ (नेपालभाषा टाइम्स) – भारतया जयनगरनिसें नेपाःया धनुषाया जनकपुर जुयाः कुर्था तक सञ्चालन जुइगु रेल भारतया हे ग्यारेजय् थानाच्वंगु दु ।

थीथी इलय् प्राविधिक कारण क्यनाः हये मफयाच्वंगु रेल आः हाकनं कोरोना भाइरसया कारणं हयेमफुगु खँ धाःगु दु। नेपाः सरकार अन्तर्गतया रेल विभागं भारतय् दयेकाच्वंगु रेल नेपाः हयेगु धकाः तःक्वः धायेधुंकूगु दुसां रेल नेपाः हयेगु धाःसा अझं निश्चित जुइफुगु मदुनि । रेल विभागया अधिकारीतय्सं हे रेल नेपाः हयेगु ई क्वःछिनाः धाये फयाच्वंगु मदु ।

विभागं वंगु चैतय् हयेगु धकाः धाःगु खः, तर कोरोना भाइरसया कारणं नेपाः व भारतय् लकडाउन जूगुलिं रेल हयेत समस्या जूगु खँ धाःगु दु। भारतय् रेल दयेकेगु ज्या धाःसा क्वचायेधुंकूगु दु। अय्सां रेल हयेत समस्या जुयाच्वंगु खँ रेल विभागया पदाधिकारीपिंसं धाःगु दु। नेपाल सरकारं भारतीय कम्पनी कोनकोन रेलवे कर्पोरेशनयाके रेल न्यायेगु सम्झौता याःगु खः । सम्झौता कथं नेपाल सरकारं ८५ करोड तका भुक्तानी यायेधुंकूगु दुसा ल्यं दनिगु भुक्तानी नेपालय् रेल थ्यनेवं यायेगु सहमति जूगु खः ।

सम्बन्धित बुखँ

LEAVE YOUR COMMENTS