म्यानचेस्टर सिटीया न्यागु गोल

म्यानचेस्टर (एजेन्सी) – म्यानचेस्टर सिटीं इंग्लिस प्रिमियर लिगय् सोमवा: बर्नलीयात ५-० बुकल । सिटीया नितिं फिल फोडेन व रियाद मेहरेजं निगू निगू गोल या:गु ख: । थ्व कासा त्यायेवं सिटी व लिग धलखय् दकलय् च्वये च्वनाच्वंगु लिभरपुलदथुया अन्तर २० ल्याखय् कुहाँ व:गु दु । आ: लिभरपुलं लिग उपाधि त्याकेत अझ छुं ई पिमालिगु जुइ । सिटी बर्नलीविरुद्ध च्याम्ह कासामि परिवर्तन यासें म्हितुकूगु ख:सां थ्व प्रभावशाली जित निकायेत ता: ला:गु ख: । फोडेनं २२ व ६३ मिनेटय् निगू गोल यात । मेहरेजया छगू गोल पेनाल्टीपाखें सम्भव जूगु ख: । कासाया मेगु छगू गोल डेविड सिल्भां या:गु ख: ।