भारतीय कासामित क्वारेन्टाइनय् च्वनेत तयार
मुम्बई (एजेन्सी) – अष्ट्रेलिया विरुद्धया प्यंगु टेस्टया सिरिज सम्भावना कायम यायेत भारतीय क्रिकेट कासामित क्वारेन्टाइन च्वनेत तयार जूगु दु । भारतीय क्रिकेट बोर्ड बीसीआईया उच्च पदाधिकारी थुकिया पुष्टि या:गु दु । सन् २०२० या अन्त्यपाखे भारत सिरिज म्हितेत अष्ट्रेलिया वने त्यंगु ख: । तर कोरोना भाइरस संक्रमणया महामारीया कारणं थ्व सिरिज जुइगु खँय् शंका ब्वलंगु ख: । कोभिड-१९ संक्रमण वयेवं तयार जूगु न्हूगु नियम कथं अष्ट्रेलिया वनिपिं सकसियां १४ क्वारेन्टाइन च्वनेमा: । थ्व हे कारणं भारतीय कासामित नं सिरिज म्हिते न्ह्य: अष्ट्रेलिया थ्यंका क्वारेन्टाइन च्वनेत तयार जूगु ख: । टेस्ट वरीयता शीर्ष निगू टिमदथुया थ्व सिरिज सकसियां पियाच्वंगु दु, अले थुकिया आयोजना क्रिकेट अष्ट्रेलिया आर्थिक समस्या नं कम जुइगु विश्वास याना त:गु दु ।
LEAVE YOUR COMMENTS