
येँ (नेपालभाषा टाइम्स) – रेडियो व टेलिभिजनय् प्रशारण जुइगु ख्यालः (हास्यव्यंग्य) विधाया ज्याझ्वलय् नं आचारसंहिता लागू यायेमाःगु माग यानाहःगु दु। लिपांगु इलय् रेडियो व टेलिभिजन थेंज्याःगु संचारमाध्यमय् प्रशारण जुइगु ख्यालः (हास्यव्यंग्य) विधाया ज्याझ्वःपाखें समाजय्सा म्प्रादायिकता ब्वलंकेकथंया ज्याझ्वःत जुया वयाच्वंगु धासें आचारसंहिता कार्यान्वयन याना यंकेमाःगु माग याःगु खः ।
वर्ल्ड कम्युनिकेटर काउन्सिल, नेपाल च्याप्टरं ग्वसाः ग्वःगु अन्तक्रिया ज्याझ्वलय् नवासें सरोकारवालातय्सं उकथं माग याःगु खः । रेडियो, टेलिभिजनपाखें प्रशारण जुइगु हास्यव्यंग्य ज्याझ्वः सम्बन्धी आचारसंहिता दयेकाः थुगु ख्यःयात व्यवस्थित याना यंकेमाःगु खँय्स रोकारवालातय्सं बः बिउगु दु ।
ज्याझ्वलय् नवासें प्रदेश नं. २या प्रमुख न्यायाधिवक्ता दीपेन्द्र झा नं हास्यव्यंग्य ज्याझ्वलं पुस्तौं पुस्तातक थीथी भाषा, संस्कृति, समुदाय लगायत थीथीकथं प्रभाव लाकेगु ज्या याना वयाच्वंगु दु धयादिल ।
प्रेस काउन्सिल नेपालया दुजः संगीता खड्कां रेडियो, टेलिभिजनय् प्रशारण जुइगु व्यंग्यात्मक ज्याझ्वलं सीमित व्यक्तियात न्ह्यइपुकेगु व मनोरञ्जन बीगु ज्या याःसां अप्वःथें मात्राय् सम्बन्धित समाजयात धाःसा नकारात्मक लिच्वः लाकेगु ज्या यानाच्वंगु दु धयादिल ।
अन्तक्रिया ज्याझ्वलय् नवासें ‘नेपालभाषा टाइम्स’ न्हिपौया सम्पादक नापं नांजाःम्ह ख्यालःच्वमि सुरेश किरण मानन्धरं टेलिभिजन व रेडियोय्प्र शारण जुइगु हास्यव्यंग्य ज्याझ्वलय् अप्वःथें मधेसी समुदाय व स्वनिगःया स्थानीयवासी नेवाःतय्त क्वह्यंकाः न्ह्यब्वयेगु यानाच्वंगु टिप्पणी यानादिल ।
रेडियो व टेलिभिजनय् प्रशारण जुइगु हास्यव्यंग्य ज्याझ्वःयात कयाः इलय् व्यलय् थीथी समुदायपाखें विरोध जुइगु याना हयेव सरोकारवालातय्पाखें थ्व सम्बन्धय् आचारसंहिता दयेकाः लागू यायेमाःगु खँये सरोकार क्यना हःगु खः ।
LEAVE YOUR COMMENTS