विश्वभूमिया संस्थापक दुजः राजा तुलाधर मंत

येँ – नेपालभाषाया न्हिपौ ‘विश्वभूमि’ या संस्थापक दुजः लिसें भाषासेवी राजा तुलाधर आकाझाकां मंत । ५५ दँ दुम्ह वयकः म्हीग आकाझाकां हृदयाघात जुयाः मदुगु खः । म्हिगः थनया लुतिइ वयकःया अन्तिम संस्कार जुल ।

वि.सं. २०४५ सालय् नेपालभाषाय् अभाव जुयाच्वंगु न्हिपौ पिकायेगु लागिं वयकः समेतया सक्रिय कुतः व लगानीइ विश्वभूमि प्रकाशन प्रा.लि. गठन जूगु खः । उगु प्रकाशन प्रा.लि.पाखें भाजु अशोक श्रेष्ठया सम्पादनय् ‘विश्वभूमि न्हिपौ’ पिहां वःगु खः ।

विश्वभूमि प्रकाशन प्रा.लि.या तत्कालीन नायः सुशीलवीर सिंह कंसाकारं कनादी कथं म्हीग सुथय् च्या त्वनेत च्याका दायेका च्वँच्वं हे आकाझाकां तुलाधरयात हृदयाघात जूगु खःसा लिपा अस्पताल यंकूगु इलय् लँय् वँवं हे वयकः मदुगु खः ।

मदुम्ह तुलाधरया मां व जहान लिसें छम्ह म्ह्याय् व छम्ह काय दी ।

सम्बन्धित बुखँ

LEAVE YOUR COMMENTS