येँया शिक्षण अस्पतालय् भर्ना जुम्ह मचायात कोरोनाया संक्रमण

येँ – थौं सुथय् न्हापां स्वास्थ्य तथा जनसंख्या मन्त्रालयं छगू विज्ञप्ति जारी यानाः येँया चन्द्रागिरी व कपिलवस्तुया छम्ह मचायात कोरोना संक्रमण याःगु पुष्टि यात । येँया चन्द्रागिरी नगरपालिकाय् च्वनीम्ह ३२दँया मिजंयात व कपिलवस्तुइ छेँ जुम्ह ६दँया मिसा मचायात संक्रमण जूगु जानकारी मन्त्रालयं विज्ञप्ति मार्फत बिउगु खः ।

तर कपिलवस्तुइ छेँ जुम्ह मचा येँया शिक्षण अस्पतालय् भर्ना यानातःगु इलय् संक्रमणया पुष्टि जूगु खँ सीदुगु दु । उम्ह मचायात सासः ल्हायेत थाकुया अस्तालया न्यूरो सर्जरी र्वाड भर्ना याकूगु खः । अन वयाः शल्यक्रिया यायेत न्ह्यः पीसीआर परीक्षण यायेगु इलय् संक्रमण खनेदुगु खः । उम्ह मचा खुन्हु न्ह्यः वासः यायेगु निंतिं कपिलवस्तुं येँय् वःगु खः ।

शिक्षण अस्पतालय् भर्ना जुम्ह बिरामीयात कोरोना खनेदुगुलिं आः अनया सुरक्षा व्यवस्था क्वातुकु दु ।

सम्बन्धित बुखँ

LEAVE YOUR COMMENTS