ने. सं. ११४६ बछलागा एकादशी - अपरा एकादशी, चित्तधर हृदय या १२०क्वःगु बुदिं

ध्वाखाबहालय् आकस्मिक हिदान

येँ- येँ मनपा २५ वडा ध्वाखाबहालय् थौं आकस्मिक हिदान जुल । लकडाउनया कारणं हिया अभाव जुयाच्वंगु अवस्थाय् २५ वडाया उग्रतारा महिला तथा बालविकास केन्द्रया ग्वसालय् थ्व हिदान ज्याझ्वः जूगु खः । ज्याझ्वःया संयोजक राजीव श्रेष्ठं ५० पिन्ट हि संकलन जूगु जानकारी बियादीगु दु ।

राज्यमन्त्री रामवीर मानन्धर नं झायादीगु ज्याझ्वलय् ब्लोदानया केन्द्रिय अध्यक्ष सानुबाबु प्रजापति,कोषाध्यक्ष मचाकाजी महर्जन,सचिब उज्वल केसि, केन्द्रिय सदस्य एवं २४ वडा सदस्य बिनोद तुलाधर, २५ वडाया महिला सदस्य व येँ मनपा कार्यपालिका सदस्य रमिता स्थापित, केन्द्रिय सदस्य पुरुषोत्तम खत्री, ब्लोदान काठमाडौं जिल्ला सचीव अनिल रत्न तुलाधर, सल्लाहकार डम्बर धोज लामा, ख्वप जिल्ला सचिव रुकेश रन्जित,ब्लोदान काठमाडौं मध्य क्षेत्रया उपाध्यक्ष लगायतया पदाधिकारी, स्थानिय संघसंस्था, स्थानीयबासितय् उपस्थिति दुगु खः ।