ला लिगा जुन निसें

म्याड्रिड – स्पेनी ला लिगा जुननिसें हाकनं न्ह्याकिगु जूगु दु । कोरोना भाइरस संक्रमणया महामारीका कारणं निलानिसें स्पेनय् फुटबल जुइफूगु मदु । स्पेनी सरकारं तयार या:गु ज्याझ्व कथं कासामितय्सं थ्व वा:निसें व्यक्तिगत प्रशिक्षण न्ह्याकेफइ । लिगया प्रमुख ज्याभिएर टेबासं सकसियां उसाँययात उत्तिकं ध्यानय् तया: लिग सुरु याये त्यना:गु ख: धयादिगु दु । वयकलं थुगुसीया सिजन २०१९-२०२० लिग पूरा जुइगु नं विश्वास प्वंका दिगु दु । आ: याकनं नं कासामितय्त कोभिड-१९ या परिक्षण याइ, अले उकिया लिच्व: लिपा जक कासामितय्स प्रशिक्षक न्ह्याकेफइ ।