ने. सं. ११४६ अनलाथ्व पुन्हि -

लकडाउन उल्लंघन याःपिं १७ सय प्रहरी नियन्त्रणय्

येँ – स्वनिगः दुने लकडाउन उल्लंघन याःपिं १७ सय ४८म्हेसित प्रहरीं नियन्त्रणय् काःगु दु ।

बिहीवाः न्हिच्छिया दुने स्वनिगलय् लकडाउन उल्लंघन याःपिं १७ स ४८म्हेसित नियन्त्रणय् काःगु जानकारी महानगरीय प्रहरी ज्याकूथीं बिउगु दु । उकी मध्ये येँय् १३ सय २०, यलय् ३ सय ७५ व ख्वपय् ५३म्हेसित नियन्त्रणय् काःगु खः । नियन्त्रण काःपिं मध्ये ४ सय ७६म्ह मिसात खः ।लकडाउन उल्लंघन याःपिंत स्वघौ कोरोना भाइरस सम्बन्धी शिक्षा कयाः त्वःतुगु खः ।

अथेहे प्रहरीं ६ सय ३४गः दुइ पांग्रे व ५१गः चार पांग्रे यानाः ६ सय ४५गः सवारी साधनयात नं बिहीवाः नियन्त्रणय् काःगु दु ।