न्हूपिं स्वम्हेसित कोरोना, नेपाः दुने हे छम्हेसित संक्रमण
येँ – नेपालय् न्हूपिं स्वम्हेसित कोराना भाइरस (कोभिड-१९)या संक्रमण जूगु दु । स्वास्थ्य तथा जनसंख्या मन्त्रालयं थःगु फेसबुक मार्फत जानकारी बिउसें न्हूपिं स्वम्हेसित संक्रमण जूगु पुष्टि याःगु खः ।
मन्त्रालयया कथं भारतया मुम्बईं लिहांवःम्ह कैलालीया २१दँया मिजं, भारतया उत्तराखण्डं लिहांवःम्ह कञ्चनपुरया ४१दँया मिजं व कैलालीया ३४दँया मिसायात कोरोनाया संक्रमण जूगु खः ।
कैलालीया ३४दँया मिसाम्ह न्हापा युएईं लिहांवःम्ह कोरोनाया संक्रमितया छेँजः खः । थ्व नापं नेपालय् हे छम्हं मेम्हसित कोरोनाया संक्रमण जूगु थ्व न्हापांगु घटना खः । थ्वस्वयां न्ह्यः फुक्कं पिनं वःपिंत जक कोरोनाया संक्रमण खंगु खः ।
स्वम्हेसितं सेती प्रादेशिक अस्पताल धनगढीया आइसोलेसनय् तयातःगु दु ।
LEAVE YOUR COMMENTS