कन्हय् निसें कालिमाति तरकारी बजारय् खुद्रा पसः मतयेकीगु

येँ– कन्हय् शनिवाः निसें कालिमातिया तरकारी बजारय् खुद्रा पसः मतयेकीगु जूगु दु । खुद्रा पसःया कारणं तसकं हूलमूल जुयाच्वंगुलिं यानाः खुद्रा मसः मतयेकेगु निर्णय जूगु खः ।

शुक्रवाः तरकारी व्यापारी, स्थानीय संघसंस्था, प्रहरी, सेना सहितया बैठक लिपा कालिमाति तरकारी तथा फुलफूल बजार विकास समितिं खुद्रा पसः मतयेकेगु निर्णय याःगु खः । थन थौंकन्हय् ६५ गू खुद्रा तरकारी पसः तया वयाच्वंगु दु । थुपिं फुक्कं बन्द जुइगु खँ समितिं धाःगु दु ।

तरकारी न्यायेत तसकं हुलमूल जुइक मनू वयगु कारणं लकडाउनया अर्थ हे मदुगु धासें खुद्रा पसः मतयेकेगु निर्णय जूगु खः । अथेहे शनिवाः निसें बजाः दुने मोटरसाइकल नं यंके मबीगु जूगु दु ।