ने. सं. ११४६ बछलागा एकादशी - अपरा एकादशी, चित्तधर हृदय या १२०क्वःगु बुदिं

खुसिबुँया फर्निचर कारखना मिं नल

येँ – येँया खुसिबुँइ च्वंगु छगू फर्निचर कारखानाय् वंगु चान्हय् बांमलाक मिं नःगु दु । खुसिबुँया नर्सरी चोकय् च्वंगु राजु महर्जनं चले यानाच्वंगु महर्जन फर्निचरय् मि च्याःगु खः । मि च्यानाः फर्निचर कारखानाया फुक्क धयाथें सामान च्याःगु लिसें नापसं च्वंगु छगू टहरा नं च्याःगु खँ धाःगु दु । कारखानाय् दयेकातयेधुंकूगु फर्निचर, सिँ लिसें मेसिनरी सामान तकं च्याःगु खः ।

चान्हय् ११ः३० बजे पाखे च्याःगु मि स्यायेत प्यंगः दमकल लिसें प्यंगः ट्यांकरं लः हःगु खः । प्यंगः दमकलं थ्यंमथ्यं प्यघौतक लः छ्वाकेधुंकाः चान्हय् २ बजे पाखे जक जक मि नियन्त्रणय् वःगु खः ।

स्थानीयतय्सं धाःकथं म्हिगः वाःफय् वःगु कारणं कारखाना लिक्कसं च्वंगु ट्रान्सफर्मरय् सर्ट जुयाच्वंगु व थुकिं हे यानाः कारखनाय् नं सर्ट जुयाः मिं नःगु खः ।