ख्वपया १७ तल्लाया भवनय् खाद्यान्न भण्डार याइगु
ख्वप (रासस)÷ कोरोना भाइरसया संक्रमण पनेगु निंतिं सरकारं तयातःगु लकडाउन ताःहाकः यायेमाल धाःसा जिल्लाय् खाद्यान्न अभाव जुइके मबिइगु निंतिं थिमिया राधेराधेय् च्वंगु १७ तँ दुगु खाली भवनय् खाद्यान्न भण्डारण याइगु जूगु दु । सरकारं लकडाउन वइगु चैत २५ गते तकया निंतिं थप यायेधुंकूगु दुसा थ्वयां अप्वं ताःहाकः यायेमाल धाःसा खाद्यान्न अभाव मजुइकेत भण्डारी यायेत्यंगु खः ।
उगु भवनय् आः नेपाली सेनाया नेतृत्वय् अत्यावश्यक खाद्यान्न भण्डारण यायेगु व अभाव जुल धाःसा ख्वप जिल्लाया प्यंगुलिं नगरपालिकापाखें वितरण यायेगु खँ भण्डारण यायेत्यंगु खः ।
उगु भवन दुर्गाप्रसाद न्यौपानेयागु खः । वय्कलं थ्व भवन निःशुल्क छ्यलेत बिउगु खँ ख्वप जिल्याया सिडिओ हुमकला पाण्डें धयादीगु दु । थ्व भवनय् खाद्यान्न भण्डार यायेगु वितरण यायेगु निंतिं छ्यलीगु जुइवं ख्वपया नेपाली सेनाया वीरदल गणपाखें सेना वयाः भवनया सरसफाइ याःगु दु । थुकिया निंतिं नेपाल रेडक्रस सोसाइटी ख्वप शाखां ५० पाः त्रिपाल नं उपलब्ध याकूगु दु ।
LEAVE YOUR COMMENTS