धरानय् नं कोरोना परिक्षण सुरु

येँ – येँ नं पिने दकलय् न्हापां कोरोना भाइरस (कोभिड-१९)या परिक्षण सुरु जूगु दु । धरानय् च्वंगु वीपी कोइराला स्वास्थ्य विज्ञान प्रतिष्ठानय् आइतवाः निसें परिक्षण सुरु जूगु खः । अस्पतालय् भर्ना जुयाच्वंपिं स्वम्ह बिरामीया थ्रोट स्वावया परिक्षण सुरु जूगु दु । प्रतिष्ठानय् छगू लटय् झिंनिम्हेसिया परिक्षण यायेफइगु क्षमता दु । आः प्रदेश नं १ व २पाखें संकलन याःगु नमुनात प्रतिष्ठानय् परिक्षण याइगु जूगु दु । थ्वस्वयां न्ह्यः परिक्षण यायेत येँया राष्ट्रिय जनस्वास्थ्य प्रयोगशालाय् छ्वयेगु यानाच्वंगु खः ।

(ने. सं. ११४० चौलाथ्व ५ / वि. सं २०७६ चैत १६, आइतवाः)