चुनाव ?

पुष्प मुनंकःमि

चुनावं सिधयेधुंकाः इमिसं क्वखात
“जनप्रतिनिधि”
अले चुनाबं ब्यूगु ‘जनप्रतिनिधी माः’ क्वखाये धुंकाः
डोजर जुयाः थः यःथाय् पलाः छित
पःखाः गयाः झ्यालं दुहां वन
ल्यत्तुल्ययाः खाचातय्गु खे“ नया हल
ल्हातय् क्यूगु हि हुयाः
थःत थम्हंतुं निष्कलंक घोषणा यात
द्वहंसां जक मखु, धुँ, भालु जुयाः
गांगामय् चाःहुलाः
थःत यःगु ल्ह्वना हल
दुनुगलं निसें मखुसां
झिपतिं प्यपुंकाः नमस्कार याकल

आः ला सिंहदरवारय् दयेकूगु हलो जोते यानाच्वन
जनतायात, व हे जनप्रतिनिधितय्सं
बिचरा जनता जनार्दन धाःपिं
जनप्रतिनिधिइ रुपान्तरण जूपिंत स्वयाः
थःत हे विश्वास याये मफुत
थौं बाध्य जुयाः सः थ्वयेकल
थ्व चुनाव खः कि
श्री ५ दयेकेगु समारोह ?