सः छगू फरक अभिव्यक्तिया दछि क्यंगु लसताय् विशेष ज्याझ्वः

यल- सः छगू फरक अभिव्यक्तिया दछि क्यंगु लसताय् वंगु शनिवाः छगू विशेष ज्याझ्वः जुल । सः छगू फरक अभिव्यक्तिपाखें लाया न्हापांगु शनिवाःपतिकं स्वम्ह स्रष्टायात ब्वनाः साहित्यिक ज्याझ्वःकथं चिबाखं वाचन याकेगु ज्याझ्वः यानावयाच्वंगु खः ।

ज्याझ्वः दछिक्यंगु लसताय् वंगु शनिवाः थनया इखालखुस्थित तालाछेँय् उगु विशेष ज्याझ्वः जूगु खः । ज्याझ्वलय् दछियंकं ज्याझ्वः न्ह्याकेत थीथी कथं ग्वाहालि यानादीपिं व्यक्ति व संघसंस्थायात मतिनाया चिं लःल्हाःगु खः।

उगु ज्याझ्वः स्वम्ह व्यक्तिपिं सुधीर ख्वबि, नरेश अमात्य व सुनिल वज्राचार्य जानाः न्ह्याका वयाच्वंगु खःसा ज्याझ्वलय् ग्वाहालि यानादीपिंत साहित्यिक ख्यःलिसें थीथी व्यक्तित्वपिंसं मतिनाया चिं लःल्हानादीगु खः ।

नेपालभाषा साहित्य व सांगीतिक ख्यःयापिनिगु आपालं उपस्थिति दुगु ज्याझ्वलय् निर्मलरत्न शाक्य, सुरजवीर वज्राचार्य व सुरज व्यञ्जनकारपिंसं सांगीतिक ज्याझ्वः न्ह्यब्वयादीगु खः ।

सम्बन्धित बुखँ

LEAVE YOUR COMMENTS