अमेरिकाय् नेपालभाषा संकिपा ब्वज्या

येँ -निक्वःगु नेपालभाषा चीहा संकिपा कासाय् दुथ्याःगु १६ गू संकिपा अमेरिकाय् प्रदर्शन जुल । नेपाः पासा पुचः अमेरिकाय्या ग्वसालय् जूगु उगु संकिपा प्रदर्शन म्हतिं २० डलर पुलाः करिब सछिम्ह मनूतय्सं स्वःगु खः ।
अन न्ह्यब्वःगु फुक्कं संकिपात स्वकुमितय्सं अतिकं न्ह्यइपुक स्वःगु खः ।

लिसें स्वकुमितय्सं थज्याःगु फिल्म क्यनेगु ज्या जूसा लिपा लिपा नं स्वः वयेगु बचं बिउगु खः । खास यानाः स्वकुमितय्सं हास्य फिल्मयात अप्वः ययेकूगु खः । मेरिल्याण्डया गेथर्सवर्गया फ्लावर हिल कम्युनिटी सेन्टरय् उगु फिल्म क्यनेगु ज्याय् ब्यलिया व्यवस्था नं जूगु खः । नेपालभाषा चीहाः संकिपा कासाय् सिरपाः बीगु निंतिं नेपाः पासा पुचःपाखें नं ५०० डलर ध्यबा ग्वाहालि बिउगु खः ।