ख्यालि न्हिली

भाःतम्ह तसकं निराश जुयाः ख्वाः खिउँसे च्वंकाः छेँय् लिहां वल । थ्व खनाः कलाःम्हं न्यन, ‘छाय्, छु जुल थौं छितः ?
भाःत ः थौं जिमिगु अफिसया बिल्डिंग दुना वयाः दुनेच्वंपिं सकलें सित ।
कलाः ः अले छि गथे जुयाः बचे जुल ले ?
भाःत ः जि चुरोस छपु त्वनेत पिहां वनागुलिं का !
कलाः ः हे भगवान । धन्य छःपिं !
पलख लिपा समाचार वल कि उगु घटनाय् लानाः मदुपिंत सरकारं १–१ करोड तका बीगु जुल ।
‘मसिउ थ्व छिगु चुरोस त्वनेगु बानी नं गबलय् जक त्वःफीगु खः’– कलाःम्ह तमं तिंतिंन्हुया हाल ।
ह्ह्ह्
मिसाया अबु ः छं जिमि म्ह्याय्यात गबलेनिसें ययेकाच्वनागु ?
मिजं ः दत जुइ अथे हे खुला ति !
मिसाया अबु ः जिं गथे यानाः विश्वास यायेगु छंगु खँ ?
‘पत्याः मजूसा छिं’ मिजं नं धाल— ‘मेगु स्वला पिउ ।’

सम्बन्धित बुखँ

LEAVE YOUR COMMENTS