स्थापित खलःया झिंनिक्वःगु दँमुँज्या

येँ – स्थापित खलःया झिंनिक्वःगु दँमुँज्या वंगु कछलागा द्वादशि, शनिवाःकुन्हु थनया मरुहिति ब्यांक्वेटय् जुल । खलःया नायः सुवर्णकाजी स्थापितया सभापतित्वय् जूगु दँमुँज्याया उलेज्या मूपाहां उदाय समाजया नायः डा. रुपज्योति कसाःनं त्वाःदेवाय् मत च्याकाः यानादीगु खः ।

खलःया न्वकु नन्दमान स्थापितं लसकुस यासें खलःया मदुपिं जःपिनिगु लुमन्तिइ छगू मिनेट मौन धारण यासें न्ह्याःगु ज्याझ्वलय् खलःया छ्याञ्जे दीपक स्थापितं वार्षिक प्रगति विवरण व दांभरिं सुजित स्थापितं आर्थिक विवरण न्ह्यब्वयादीगु खः । ज्याझ्वलय् नवासें मूपाहां कसाःनं थःत प्रहरीं कानुन अःखः ज्वनाः हिरासतय् तःगु व लिपा प्रहरीं थःत दोषी प्रमाणित यायेत छुं नं आधार पेश याये मफयेवं त्वःतूगु खँ कनादिल ।

उगु ज्याझ्वलय् ज्याःजंक्व पुलेधुंकूपिं खलःया ज्याथजिथिपिं जःपिंत दोसल्लां न्ययेकाः हनापौ लःल्हासें हनेज्या नं याःगु खः । अथे हे शैक्षिक ख्यलय् एसइइ, प्लस टु, स्नातक व मास्टर्स तगिमय् उत्कृष्ट ल्याः हयादीपिं खलःया ब्वँमि छात्रछात्रापिंत नं खादा क्वखायेकाः सगं बियाः हनेज्याःगु खः ।

अन्तर्राष्ट्रियस्तरय् च्वछायेबहगु योगदान बियादीगु धासें डा. अरहण स्थापितयात कदर पत्र लःल्हाःगु ज्याझ्वलय् मूपाहाः व खलःया नायःपाखें खलःया दँपौया न्हय्गूगु ल्याःया मंकाःकथं पितब्वज्या नं याःगु खः ।

सम्बन्धित बुखँ

LEAVE YOUR COMMENTS