उंटयात मरुभूमिया जहाज धायेगु चलन दु । संसारय् उंटया छुं छुं अजू चायापुगु प्रजाति नं दु । दक्षिणी अमेरिकाया एन्डिज वन प्रान्तय् दइम्ह जीव लामा नं छताजि उंट हे खः । लामाया न्हिप्यं तसकं चिहाकः जुइ, म्ह छम्हं झ्यापाझ्यापा स“ दइ । लामाया निंतिं बेबेक्वःगु चट्टानी अथवा पहाडी लागा पंगः जुइमखु, न्ह्यागु हे अवस्थाय् नं व याउ“क न्यासि जुइफु ।लामा तुयु व हाकु निगुलिं रंगयापिं दु । थी थी पहाड व जंगलय् थुपिं बथां बथां मुनाः जुइ । बथानय् च्वंपिं छुं छुं लामातय्सं बथानया रक्षा यायेगु ज्या नं यानाच्वनी ।
छुं संकट वः थें च्वनकि चिल्लाय् चिल्लाय् दनाः थः पासापिंत तुरुन्त सचेत याइ । लहीपिं लामा पशुत मध्ये भाले भारी क्वबीकेत ज्या वइसा पोथी पाखें दुरु न्ह्यायेगु याइ । लामा पशुतय्गु स्वंगू मुख्य श्रेणी दु — ग्वानको, विक्यूना व अल्पका । ग्वानको दक्षिणी अफ्रिकाया दक्षिणी मैदानय् दइ । अल्पका लामाया छगू पालतु जाति खः । थ्वयागु म्ह नाइसे च्वंगु सं भुनाच्वंगु दइ । उकिं रेशम दयेकी । ग्वानको व अल्पका बाहेक लामाया मेगु जाति खः विक्यूना, थ्व जाति एन्डिज पर्वतं यक्व हे च्वय् च्वय् दइ । थुपिं अनयापिं मूल निवासीतय्गु निंतिं तसकं महत्वपूर्ण जुइ । अले इमिसं थुमित राजसी लामा भाःपीगु याइ ।
सी धुंकाः नं लामात झीत ज्या वः । थुमिगु छ्यंगुलिं लाकां दयेकी । स“ बल्लाःगु खिपः निलेत ज्या वः । थुमिगु दाः मैनमत दयेकेत ज्या काइ । सन् १९५३ य् फ्रान्सिस्को पिजारोया सेनापतित्वय् स्पेनया सैनिकतय्सं दक्षिणी अमेरिकाया पेरु प्रदेशय् कब्जा याःबलय् चिकिचाधिकः जुयाः हिसिचा दुपिं अले म्हय् प्वः मथाःपिं थ्व उंटत खनाः इपिं सिक्क हे गजब जूगु खः । उबलय् निसे लामा संसार न्यंकभनं
चर्चाय् वःगु खः ।
LEAVE YOUR COMMENTS