सर्पया बारे छुं छुं खँ

संसारय् सर्पया २५०० स्वयां अप्वः प्रजाति दु । उकीमध्ये २० प्रतिशत प्रजाति विषालुपिं जुइ ।विश्वया निगू चिचिधंगु देय् न्यूजील्याण्ड व आइसल्याण्ड अले अन्टार्कटिकाय् सर्प दइमखु ।सुं नं सर्पं वयात छुं मयायेकं न्याइमखु । सर्पं न्याइगु अप्वः थें घटना गल्तीबस वयात न्हुइगुलिं जुइगु खः ।

दकलय् ताःहाकःम्ह सर्प पाइथन रेटिकुलेटस (Python Reticulatus) खः । थ्व सर्प २८ फीट ताःहाकः जुइ ।सर्पयाके मिखापुसा दइमखु ।सर्पया न्हाय्पं छ्यंगूया दुने दइ ।सर्पं थःगु म्यें नतुनाः थःम्ह शिकारयात लुइकी । लखय् च्वनीपिं सर्पतय्सं थःगु छ्यंगुलिं नं छुं छुं मात्रा सासः ल्हाइ । अथे जुयाः इपिं शिकार लुइकेत लखय् ताउत हे च्वनेमाःसां च्वनेफइ ।

दक्षिण अफ्रीकाय् दइम्ह हर्नड वाईपर (Horned Viper)या छ्यनय् निपु न्यकू दइ ।सर्पत थ्व पृथ्वीलय् १३ करोड दँ न्ह्यवंनिसें दु, अथे धयागु डाइनोसोरया इलंनिसें ।सर्पं दछिया छक्वः निक्वः थःगु छ्यंगू छबः हिली । उकियात झी सर्पं लं त्वःतूगु धायेगु चलन दु ।सर्पया ७० प्रतिशत प्रजातिं ख्यें थ्वइसा, ३० प्रतिशत प्रजातिं मचा हे बुइकी ।

ब्राजीलय् च्वंगु स्नेक आइल्याण्ड, सर्पत दकलय् आपाः दइगु थाय् खः । थन प्रत्येक छगू वर्गमीटरय् न्याम्ह सर्प च्वनेगु याइ अर्थात झीगु सिंगल बेड ति थास झिम्ह अले डबल बेड ति थासय् नीम्ह, व नं विषालुपिं गोल्डन बिट वाइपर ।