प्रम ओलीयात आराम याकेत गगनया सुझाव

येँ  – नेपाली कांग्रेसया सांसद गगन थापां प्रधानमन्त्री केपी ओलीयात आराम कायेकाः न्हूम्ह प्रधानमन्त्री ल्ययेत नेकपायात सुझाव बियादीगु दु । म्हिगः संसद बैठकय् न्ववासें सांसद थापां नेकपा दुने आः नं एकसेएक प्रधानमन्त्री जुइत लायक नेतात दु, गुलिं प्रधानमन्त्री जुइत इच्छुकपिं नं दु, अले थःगु हे पूर्ण बहुमत दुगु कारणं तुरुन्त हे प्रधानमन्त्री ल्यये फइगु अवस्था नं दु, अथे खःसां छाय् न्हूम्ह प्रधानमन्त्री ल्यये मफयाच्वन धकाः न्ह्यसः नं तयादिल ।

प्रम ओलीयात अप्वः थें सांसदतय्सं बा धकाः सम्बोधन याःगु थम्हं सिउ धासें छेँय् च्वंम्ह बा थुलि विरामी जुल धाःसा वय्कःयात आराम यानादिसँ, धपेडी यानादी मते धकाः झीसं धायेगु याःसां बा प्रम ओलीयात नेकपाया नेतातय्सं छाय् अथे धाये मफयाच्वन धकाः आश्चर्य नं प्वंकादिल ।

नेपालभाषा टाइम्स

च्वमिया मेमेगु

• तिलौराकोटयात नं विश्व सम्पदा धलखय् दुथ्याकीगु
• किपुली बुंगद्यःया झ्वाता पलिस्था विवाद ः वार्ता यानाः हे समाधान मालीगु
• ज्वेल्स सहकारीया वृहत् स्वास्थ्य शिविर
• बजाः अनुगमनयात निरन्तरता, व्यापारीत भागाभाग
• साहित्य मन्दिरया झिंस्वक्वःगु तँमुँज्या