लिस्नर्स क्लब नेपालं प्यम्ह मिसापिंत हन

येँ – लिस्नर्स क्लब नेपालं समाज रुपान्तरणय् विशेष योगदान बियादीपिं प्यम्ह मिसा स्रष्टापिंत तीज पर्वया लसताय् हनेगु ज्या यात । क्लबं नांजाःम्ह गायिका  देविका बन्दना, सञ्चारकःमि आरती चटौत, साहित्यकार सुभद्रा भट्टराई व पत्रकार नापं समाजसेवी विमला मानन्धरपिंत दोसल्लां न्ययेकाः सम्मान याःगु खः ।

प्राज्ञ लक्ष्मी माली मूपाहां कथं झाःगु उगु ज्याझ्वलय् साहित्यकार युवराज नयाँघरे, क्लबया नायः जनक चन्दपिंसं सम्मानित स्रष्टापिंत बधाई बिसे वय्कःपिंसं समाजय् विद्यमान विभेदया अन्त्य यायेगु व सकारात्मक नापं सिर्जनात्मक सोच अभिवृद्धिया निंतिं योगदान यानादीगु खँय् आशावादी जुयागु खँ कनादिल ।

क्लबं प्यदँ न्ह्यवंनिसें समाजय् विशेष योगदान बिया वयाच्वंपिं मिसापिंत विधागत रुपय् हना वयाच्वंगु दु ।

नेपालभाषा टाइम्स

च्वमिया मेमेगु

• नेवाः प्रतिष्ठान गठन यायेत माग
• केएनकेया ग्राजुएन ज्याझ्वः
• सक्व सांस्कृतिक संरक्षित क्षेत्र प्रस्तावित ऐन लःल्हात
• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल