नेवानीया जापान उडान तयारी

येँ – नेपाल वायुसेवा निगम (एनएसीं) वइगु भदौ १२ गतेनिसें जापानय् याइगु हवाई उडानया तयारी पूवंकूगु दु । मंगलवाः ग्वसाः ग्वःगु पत्रकार सम्मेलनय् निगमया कार्यकारी अध्यक्ष मदन खरेलं अप्वलय् बछि लोड पूवंकाः जहाज ब्वयेकेगु कुतः जुयाच्वंगु खँ कनादीगु दु ।
निगमं दकलय् न्हापांगु उडान ओसाकाय् याइगु जूगु दु । येँ–ओसाकाया वये वनेगु टिकटया भाः ७० हजार तका कायम याःगु दु ।

वय्कःया कथं सेप्टेम्बर महिनाय् निगमया जापान उडान घाटाय् ब्वइगु व वयां लिपा क्रमशः यात्रुया ल्याः अप्वइगु अनुमान याना तःगु दु । न्हापांगु उडानया निंतिं म्हिगः मंगलवाः तक १५० सिट बुक जुइधुंकूगु जानकारी नं निगमं बिउगु दु । मू सिजनय् जापानय् अप्वलय् ८५ प्रतिशत सिट जाइगु आशा निगमं याःगु दु । थन निगमं वाइडबडी जहाज ब्वयेकेत्यंगु खः ।