म्यानेजमेन्ट व फाइन आर्टया निंतिं विजेश्वरी स्कुल

भविष्यय् आधुनिक विश्वया हरेक कथंया चुनौतीया सामना यानाः न्ह्याः वनेफुपिं विद्यार्थी तयार यायेगु ताः तयाः न्ह्यानाच्वंगु छगू स्कूल खः – विजेश्वरी सेकेन्डरी स्कूल । थ्व हे मू ताः तयाः वंगु स्वंगू दशक न्ह्यवनिसें संचालनय् वयाच्वंगु थ्व स्कूल येँया विजेश्वरीइ दु । स्कूलया मू ताः धयागु हे विद्यार्थीतय्त समग्र विकास यायेगु, फुक्क ख्यलय् सक्षम यायेगु खः ।

उकिं थ्व स्कुलं थःगु स्थापनाकालंनिसें थःपिं च्वनाच्वंगु समाज व देय्या निंतिं योगदान यायेफुपिं विद्यार्थी तयार यायेगु निंतिं उमिगु समग्र विकासय् ध्यान बियाः शिक्षा बिया वयाच्वंगु खँ स्कूलया प्रिन्सिपल मय्जु विन्दू तुलाधरं कनादी । थ्व स्कुलं विद्यार्थीतय्त किताबी शिक्षा बीगु जक मखु, उमिके दुगु थीथी क्षमता उजगार यायेगु निंतिं थीथी ह्वःताः चूलाके बिइगु यानाच्वंगु दु ।

स्कूलया हरेक शिक्षकपिंसं थः विद्यार्थीतय्सं थःगु उत्तरदायित्व थुइकाः सम्मानपूर्वक थःगु क्षमता विकास यायेफयेमा धकाः मदिक्क कुतः यानाच्वंगु दइ । विजेश्वरी सेकेन्डरी स्कूलया स्थापना सन् १९८१ ई जूगु खः । स्थापनाकालय् चिकिचाधंगु स्कुलपाखें सुरु जूगु थ्व स्कूल थौं देय्या हे छगू न्ह्यःनेबहःगु स्कूल जुइधुंकूगु दु ।

‘जिमिगु थ्व सफलताया मू कारण धयागु हे अभिभावक, विद्यार्थीया लिसें समुदायं याःगु विश्वासया कारणं खः’ प्रिन्सिपल तुलाधरं कनादी । वय्कःपिनिगु विश्वासं हे जिपिं थुलि न्ह्याः वयेफुगु खः धयादिसें वय्कलं धयादी, ‘वंगु स्वीदँया दुने यक्व हे शिक्षक शिक्षिक, कर्मचारीपिंसं स्कूलयात थनतक हयेगु निंतिं तःधंगु मेहनत याःगु दु ।’

देय्या हे छगू उत्कृष्ट स्कुल कथं नांजाःगु स्कूलया संचालक, व्यवस्थापन, शिक्षक शिक्षकापिनि मेहनत थुलिं हे क्वचाःगु धाःसा मदुनि । ‘देय्या कर्णधार धाइपिं ल्याय्म्ह विद्यार्थीपिंत उत्कृष्ट शिक्षा बिइगु निंतिं शैक्षिक ख्यलय् वयाच्वंगु थीथी चुनौतिया सामना यायेत आः नं नं थीथी ख्यःया विज्ञपिं, शिक्षाविद्, अभिभावकपिं लिसे एकजुट जुयाः ज्या यानाच्वनागु दु’ मय्जु तुलाधरं धयादिल ।

प्लस टु पाखे विजेश्वरी स्कूलं थौंकन्हय् म्यानेजमेन्ट व फाइन आर्ट विषयय् ब्वंका वयाच्वंगु दु । चार्टर्ड एकाउन्टेन्ट, ट्राभल एण्ड टुरिजम, होटलज म्यानेजमेन्ट, बैकिंग लिसें व्यवस्थापनया थीथी ख्यलय् वने चाहे जूपिं विद्यार्थीपिनि निंतिं म्यानेजमेन्टया अध्यापन याना वयाच्वंगु खः ।

थनं म्यानेजमेन्ट विषय कयाः अध्ययन याना वंपिं विद्यार्थीत बैंकर, अर्थशास्त्री, राजश्व अधिकृत, सेल्स एण्ड मार्केटिङ्ग क्षेत्रय्, स्टक व फाइनान्स एनालाइसिस्ट, विजनेश डेभलपमेन्ट अफिसर, विजनेश प्रमोटर, एडमिनिस्टे«टिभ हेड जुइगु क्षमता विकास जुइगु लिसें थःगु हे बिस्कं स्वतन्त्र उद्योग चायेकेगु वा व्यवसाय यायेत सक्षम जुइगु दावी वय्कःया दु ।

थन स्कुलय् फाइन आर्ट कयाः नं ब्वने दइ । कला क्षेत्रय् वने चाहे जूपिं लिसें फेसन डिजाइनर, इन्टेरियर डिजाइनर, फोटोग्राफर आदि जुइ न्ह्याःपिंसं थ्व विषय ब्वने फइ । फाइन आर्ट विषय जूसां थुकी इंग्लिस व नेपाली अनिवार्य विषय जुइ ।

प्लस टु लय् फाइन आर्ट कयाः ब्वंपिंसं एनिमेशन, ग्राफिक डिजायन, फेसन, ओरिगामी, ज्वेलरी डिजाइन, विज्ञापन, फिल्म, नाटक, इन्टेरियर व एक्टेरियर, फोटोग्राफि, सेरामिक आर्ट, इन्डष्ट्रियल डिजाइनर, गेम डिजाइनस, कार्टुन, वेब डिजाइन, आर्ट डाइरेक्टर, आर्ट व एन्टिक डिजयार, डिजिटल आर्टिस्ट, संीत, मूर्तिकार, चित्रकारी, इभेन्ट म्यानेजमेन्ट आदि क्षेत्रय् थःगु क्यारियर दयेकेफइ ।

विद्यार्थीतय्त थौंया ई कथं ल्वयेक ब्वंकेगु निंतिं स्कुलय् भौतिक पूर्वाधारय् नं उत्कृष्ट कथं दयेकातःगु दु । न्ह्याबलें निभाः खइ कथं कक्षा क्वथा दु । मल्टिमिडिया, कम्प्यूटर प्रयोगशाला, लाइब्रेुरी, फाइन आर्ट स्टुडियो थेंज्याःगु पूर्वाधार पूवंक प्रविधि व आधुनिक रुपं दयेकातःगु दु । अथेहे स्कुलं थीथी कासाया निंतिं थाय् बिया वयाच्वंगु दु ।
तँसापौ डेस्क

सम्बन्धित बुखँ

LEAVE YOUR COMMENTS