ख्यालि न्हिली

छम्ह मनू चिकन कबाब मीम्ह जुयाच्वन । व मिसावट याःगु अभियोगय् गिरफ्तार जुल । अदालतय् वं कबूल यात कि वं खाया लाय् मेगु नं ला ल्वाक–
छ्याइगु जुयाच्वन ।
‘मेगु छु ला ल्वाकछ्यायेगु ले छं ?’ –जजं न्यन ।
‘सलयागु हजुर’ — वं धाल ।
‘गुलि ल्वाकछ्यायेगु ले छं ?’
‘उलि उलि हे हजुर ।’
‘उलि उलि हे धयागु गथे ?’
‘छम्ह खा, छम्ह सल, हजूर ।’
०००
‘म्हिगः जि छगू पार्टीइ वनागु ।’—छम्ह ल्यासें थः पासायात कन— ‘अन छम्ह म्हमसिउम्ह मिजं वल । वयेवं हे वं जितः घय्पुल अले च्वाप्प च्वाप्प चुप्पा नयाबिल ।
‘अले छं छु धयाले वयात ?’ पासाम्हं न्यन ।
‘छुं नं मधया । मामं जितः म्हमसिउपिंलिसे खँ ल्हायेमते
धयातःगु दु । ’