प्रोफेसर टफिनयात ज्यापु समाजपाखें लसकुस

यल – नेपाः झायाच्वनादीम्ह स्वनिगःया नेवाःतय् बारे अध्ययन याना वयाच्वनादीम्ह फ्रान्सया प्रोफेसर गेरार्ड टफिनयात ज्यापु समाजं शुक्रवाः छगू बःचाधंगु ज्याझ्वःया दथुइ लसकुस याःगु दु । ज्यापु समाजया ज्यापु संस्कृति अध्ययन अनुसन्धान प्रतिष्ठानया ग्वसालय् जूगु ज्याझ्वलय् प्रतिष्ठानया दुजः तुलसीलाल सिंहं प्रो. टफिनया म्हसिका बियादीगु खः । प्रा. टफिन ज्यापुतय् बारे दकलय् अप्वः अध्ययन यानादीम्ह विदेशी अनुसन्धानकर्ता जूगु धासें वय्कलं प्यांगां, येँया ज्यापुतय् स्वीनिगू त्वाः, श्वेतकाली ख्वाःपाः प्याखंबारे सफू च्वयेधुंकूगु खँ न्ह्यथनादिल ।

ज्याझ्वलय् न्ववानादिसें प्रो. टफिनं थः दरबार हाइस्कूलय् शिक्षक जुयाः वयाबलय् तत्कालिन मन्त्री केशरबहादुर विष्टं समाज विज्ञानबारे अध्ययन यायेगु खःसा प्यांगांबारे अध्ययन याःसा जिउगु सुझाव बिउगुलिं प्यांगां बारे न्हापां अध्ययन यानागु खँ कनादिल ।
सभापतिया थासं न्ववानादिसें समाजया नायः चन्द्र महर्जनं स्वनिगःया ज्यापुत, नेवाःत विस्थापित जुया वनाच्वंगु बारे अनुसन्धान यायेमाःगु खँ धयादिल ।

सम्बन्धित बुखँ

LEAVE YOUR COMMENTS