फी थकायेगु निर्णय स्थगित
येँ – येँ मनपां थः मातहत च्वंगु विद्यालयया शुल्क बढे यायेगु निर्णय स्थगित याःगु दु । मनपाया प्रवक्ता ईश्वरमान डंगोलं विद्यालयया शुल्क बढे यायेगु निर्णय आःयात स्थगित जूगु जानकारी बियादीगु खः ।
विद्यालयया शुल्क थकायेगु निंतिं कार्यपालिकां स्वीकृत जुइमाःगुलिं तत्कालया निंतिं शुल्क वृद्धि मजुइगु जानकारी बिसें वय्कलं आःया निंतिं विद्यालयं न्हापा कया वयाच्वंगु पुलांगु शुल्क कायम जुइगु खँ नं कनादिल ।
शुल्क वृद्धिया निंतिं वैज्ञानिक रुपं अध्ययन यायेमाःगु जूगुलिं आःयात सम्बन्धित पक्षलिसे सहलह यानाः शुल्क निर्धारणया वैज्ञानिक आधार दयेकेगु खँ नं वय्कलं कनादिल ।
विद्यालयया शुल्क थकायेत मनपाया कार्यपालिकां स्वीकृत यायेमाःगु खःसां मनपा अन्तर्गत लाःगु शिक्षा विभागं मनपायात जानकारी मबिसे हे विद्यालयया शुल्क थकायेगु निर्णय याःगु खँ सीदुगु दु ।
LEAVE YOUR COMMENTS