वरिष्ठ पत्रकार पुष्करलाल श्रेष्ठ मंत

येँ – वरिष्ठ पत्रकार लिसें कामना न्युज पब्लि– केशनया प्रधान सम्पादक पुष्करलाल श्रेष्ठ म्हिगः मंत । वय्कः ६० दँ दुम्ह खः । नर्भिक अस्पतालय् जलस्यँया पत्थरीया अपरेशन यायेगु झ्वलय् वासः याकुयाकुं वय्कः झ्वलय् मदुगु खः । मदुम्ह श्रेष्ठ नेपाल मिडिया सोसाइटीया संस्थापक अध्यक्षया लिसें पुलांम्ह राष्ट्रिय फुटबल खेलाडी नं खः । वय्कः ‘कामना’ लय्पौ मार्फत नेपालय् रंग पत्रकारिता शुरु यानादीम्ह खः ।

उगु इलय् वय्कःया उगु लय्पौ ‘इनाप’ प्रेसय् छापे जुइगु खःसा अन हे थम्हं पत्रकारिताया यक्व ज्ञान नं कयागु खँ वय्कलं कनेगु यानादी । मदुम्ह श्रेष्ठयात म्हिगः भूगोलपार्कय् तयाः अन्तिम श्रद्धाञ्जली बिउगु खःसा म्हिगः हे पशुपतिइ अन्त्येष्टि याःगु दु । अन्त्येष्टिइ पत्रकारिता ख्यःया आपालं हस्तीतय्सं ब्वति काःगु खः । मदुम्ह श्रेष्ठया जहान व स्वम्ह काय्पिं दी । राष्ट्रिय न्हिपौ ‘समाचारपत्र’ लिसें थीथी प्रकाशनया ज्या आः वय्कःया काय दिरेकलाल श्रेष्ठं कःघानाच्वंगु दु ।