लत्था क्वःदलाः १५ करोड क्षति

येँ – म्हीग बारा व पर्साय् वःगु धाकु फसं यानाः नेपाल विद्युत प्राधिकरणयात १५ करोड तका नोक्सान जूगु दु । धाकु फसं थीथी थासय् च्वंगु मतया लत्था क्वःदःगु व थीथी थासय् प्रसारण लाइन तकं क्षतिग्रस्त जूगु नेपाल विद्युत प्राधिकरणं धाःगु दु । प्राधिकरणया कथं धाकुफसं परवानीपुर–वीरगञ्ज ६६ केभी डबल सर्किट लाइनय् क्षति जुयाः मत आपूर्ति हे बन्द जूगु दु । वीरगञ्ज–कलैया ३३ केभी लाइन नं क्षति जूगु दु ।

अथेहे भारतं आयात जुइगु १३२ केभी क्षमताया रक्सौंल–परवानीपुर प्रसारण लाइन व ३३ केभी रक्सौल–वीरगञ्ज प्रसारण लाइन क्षतिग्रस्त जूगु दु । उगु प्रसारण लाइनपाखें मत आपूर्ति ठप्प जूगु दु । प्राधिरकणं मंगलवाः छगू विज्ञप्ति जारी यासें कलैया वितरण केन्द्र अन्तर्गत विद्युत प्रणालीइ जक थ्यं मथ्यं द्वछि निसें झिंन्यासः मतया लत्था क्वःदःगु दुसा मतया तार थीथी थासय् चबूगु दु ।

कलैया वितरण केन्द्र अन्तर्गत विद्युत प्रणालीइ जक थ्यंमथ्यं द्वःछि निसें झिंन्यासः मतया
लत्था क्वःदःगु दुसा मतया तार थीथी थासय् चबूगु दु ।

प्राधिकरणया कथं कलैयास्थित प्राधिकरणया सवस्टेसनपाखें आइतवाः बहनी हे चन्द्रनिगाहपुर सवस्टेसनपाखें चार्ज यानाः बजाः क्षेत्रय् धाःसा मत आपूर्ति जुइधुंकूगु दु । धाकुफसं विद्युत प्रणाली लाःगु क्षतिया पूर्ण विवरण धाःसा वःगु मदुनि । प्राधिकरणया कथं धाकुफसं जक निद्वः स्वयां अप्वः लत्था क्वःदःगु दु । प्राधिकरणं प्राकृतिक कारणं यानाः मतया व्यवस्था यायेत समस्या जुयाच्वंगु धासें क्षमा फ्वंगु दु । लिसें प्राधिकरणं स्थानीय प्राविधिकयात याकनं स्वयां याकनं मत आपूर्ति यायेत निर्देशन नं बिउगु दु ।