मंकाः खलः हानं न्ह्याकेगु निर्णय

येँ/नेपालभाषा मंकाः खलःयात आः हानं न्हूधाः यानाः न्ह्याकीगु जूगु दु । मंकाः खलःया संस्थापक दुजःपिं लिसें पुलांपिं पदाधिकारी व लिगंजःया दुजःपिनि दथुइ शुक्रवाः च्वंगु छगू मुँज्यां मंकाः खलःयात आः हानं न्हूधाः यानाः न्ह्याकेगु निर्णय याःगु खः ।
वैधानिक समस्यां यानाः न्ह्यःने न्ह्यायेत थाकुगु अवस्थाय् लानाच्वंगु मंकाः खलःयात पुनः जीवित यायेगु लागिं उकिया पुलांम्ह दुजः बालकृष्ण प्रजापति लगायतया दुजःपिंसं उगु मुँज्या सःतूगु खः । मुँज्यां आःयात मंकाः खलःया संस्थापकपिं जनकवि दुर्गालाल श्रेष्ठ, मल्ल के. सुन्दर, राजा शाक्य, गणेश साय्मि व किरण श्रेष्ठपिनिगु छगू अध्यक्ष मण्डल गठन याःगु दु । उगु अध्यक्ष मण्डलया नायः कथं जनकवि दुर्गालाल श्रेष्ठ च्वनादीगु दु । आवश्यक ज्या न्ह्याकेगु लागिं माःपिं दुजःत अध्यक्ष मण्डलं हे ल्ययेगु निर्णय नं जूगु दु ।
अध्यक्ष मण्डलं आः मंकाः खलःया न्हूगु विधान दयेकेगु, मंकाः खलःयात विधिवत रुपं दर्ता यायेगु व मेगु तःमुँज्या सःतेगु ज्या याइगु खँ नं धाःगु दु । वंगु २७ दँ न्ह्यवंनिसें मंकाः खलः अधिवेशन मजुसे थाति लानाच्वंगु खःसा छुं ई न्ह्यः तिनि खलःया संस्थापक नायः पद्मरत्न तुलाधर मदुगु खः ।

सम्बन्धित बुखँ

LEAVE YOUR COMMENTS