प्रेगनेन्ट प्रियंका !

बलिउड अभिनेत्री प्रियंका चोपडां वंगु दँया डिसेम्बर महिनाय् थः प्रिन्स चार्मिंग निक जोन्सलिसे इहिपा याःगु खः । इहिपा लिपा प्रियंका थःगु ज्याय् लिहां नं वयेधुंकूगु दु । थौंकन्हय् प्रियंका थःगु हलिउड संकिपाया प्रमोसन यायेगु ज्याय् व्यस्त जुयाच्वंगु दु । खतुं प्रियंकाया इहिपा जूगु लाक्कं स्वला हे जक दत । तर प्रियंका व वया भाःत निक अभिभावक जुइत्यन धइगु खँ व्यापक रुपं चर्चाय् वयाच्वंगु दु ।

हलिउड फिल्मया प्रमोसनया इलय् प्रियंकाया शारीरिक हाउभाउयात स्वयाः उकथंया चर्चा जुयाच्वंगु खः । फिल्मी रिपोर्टकथं प्रियंका थः प्वाथय् दु धइगु खँयात फत्तले सुचुकेत स्वयाच्वंगु दु । उलि जक मखु निम्हनिपूया दथुइ याकनं मचा मबुइकेगु खँय् नं सहमति जूगु प्रियंकाया दावी दु ।

इहिपा न्ह्यः थुकथंया सहमति जूगु खःसां आः वयाः प्रियंकायात स्वयेबलय् इपिं निम्ह याकनं हे अभिभावक जुइत इच्छुक जुयाच्वंगु खःला ? धइगु आशंका जुयाच्वंगु दु । प्रियंकालिसे सतीगु स्रोतया कथं थ्व हे २०१९ तकया दुने प्रियंका मां जुइत इच्छुक जुयाच्वंगु धइगु खँ चर्चाय् दु ।