पर्यटन मन्त्रालयाके हे वायुसेवा निगमं न्यागू करोड काये ल्यंदनि

येँ – सरकारी ज्याकू लिसें थीथी संस्थायात थिंका हवाइ टिकट मिउगु नेपाल वायु सेवा निगमं अझं २५ करोड तका दां उठे यायेमफुनिगु खँ सीदुगु दु । निगमं सार्वजनिक लेखा समितियात शुक्रवाः छ्वःगु कामकारवाहीया विवरण टिकट मियागु वापत उठे यायेमाःगु बक्यौता हे २५ करोड ६७ ला तका दनिगु खँ न्ह्यथनातःगु दु ।

आर्थिक संकटय् लानाच्वंगु निगमं पर्यटन मन्त्रालयं पाखें जक हे टिकट वापत न्यागू करोड दां उठे याये ल्यंदनि । आः काये ल्यंदनिगु २५ करोड तका धाःसा २०६१÷६२ साल निसेंया खः ।

थ्वहे दथुइ निगमया कार्यकारी अध्यक्ष मदन खरेलं ६ करोड तका दां उठे यायेगु निंतिं निगमं कानुनी प्रक्रिया न्ह्याकेधुनागु खँ धयादीगु दु । छुं छुं मामिलाय् निगमया पक्षय् निर्णय जुइधुंकूगु खँ नं वय्कलं धयादीगु दु । ध्यबा काये ल्यं दनिपिं मध्ये गुलिखे कम्पनी ला आः अस्तित्वय् तकं मदयेधुंकूगु खँ नं वय्कलं धयादीगु दु ।

सम्बन्धित बुखँ

LEAVE YOUR COMMENTS