पिम्बहालय् गुक्वःगु ज्ञानमाला जागरण

यल- राष्ट्रिय ज्ञानमाला समिति यल क्षेत्रीय उप समितिया ग्वसालय् थनया चिरञ्जीवी ज्ञानमाला भजन संघ पिम्बहाः, छाःबहाःया व्यवस्थापनय् च्याक्वःगु ज्ञानमाला बौद्ध जागरण अभियान ज्याझ्वः जुल । भजन संघया नायः निलसागर शाक्यया सभापतित्वय् समाजसेवी नापं पुलांम्ह मन्त्री बुद्धिराज वज्राचार्य मूपाहांकथं झायादीगु ज्याझ्वलय् संघया छ्यांजे विजयरत्न शाक्यं लसकुस यानादीगु खः ।

पंचशील प्रार्थना लिपा संघपाखें भजन न्ह्यब्वसे न्ह्याःगु ज्याझ्वलय् समितिया मूछ्यांजे इन्द्रमुनि शाक्यं ज्ञानमाला भजनकःमिपिनिगु इनापकथं थगुनेया दँय् जूगु समितिया मुँज्याया बारे जानकारी बियादीगु खः ।
सुवर्ण छत्रपुर ज्ञानमाला भजन खलः लुँभुपाखें नं ज्ञानमाला भजन न्ह्यब्वःगु ज्याझ्वलय् म्येँयात कयाः लिपि विशेषज्ञ लोकरत्न शाक्यं चर्चा यानादीगु खः ।

मूपाहां वज्राचार्य समितिया केन्द्रीय नायः रमना श्रेष्ठ, सुवर्ण छत्रपुर ज्ञानमाला भजनया छ्यांजे रामगोपल सिंनं थःथःगु नुगःखँ तयादीगु ज्याझ्वलय् उपसमितिया संयोजक लक्ष्मीबहादुर महर्जनं सुभाय् देछानादीगु खः ।