इहिपा लिपाया योजना

बलिउडया नव विवाहित निम्हतिपू बारे अप्वः चर्चा जुयाच्वंगु दुसा व खः दीपिका पादुकोण व रणवीर सिंह । थुपिं निम्हतिपूयात कयाः इहिपा न्ह्यः गुलि चर्चा जुयाच्वंगु खः, इहिपा लिपा नं उलि हे चर्चा जुयाच्वंगु दु । थुपिं निम्हतिपूया इहिपालिपा आः थुमिगु भविष्यया बारे सीकेत इमि प्रशंसकत तसकं उत्सुक जुयाच्वंगु दु ।

थ्व झ्वलय् इहिपा लिपा नायक रणवीर थःगु न्हापांगु योजना सन्तान सुख प्राप्तिया बारे खुलासा याःगु दुसा दीपिकां धाःसा इहिपा लिपा नं अनस्क्रिन चुम्बन बारे थःगु प्रतिक्रिया बिउगु दु । फिल्म फेयरयात बिउगु छगू अन्तर्वार्ताया इलय् ‘पर्दाय् आः चुम्बन मयायेत शर्त त्वाःथलेगु खः कि ?’ धकाः न्यंगु न्ह्यसःया लिसलय् दीपिकां ‘छि’ जक धकाः प्रतिक्रिया बिउगु खः ।

दीपिकाया थुकथंया प्रतिक्रियां छु स्पष्ट जू धाःसा इहिपा लिपा नं थःगु व्यावसायिक जीवनय् गुगुं शर्त लागू मयाइगु जूगु दु । थ्व स्वयां न्ह्यः नेहा धुपियां संचालन यानाच्वंगु छगू ‘टक शो’ ज्याझ्वलय् दीपिकां रणवीर उत्कृष्ट किसर जूगु प्रतिक्रिया बिउगु खः ।

उखे रणवीरं सन्तानया योजनाया बारे खुलासा याःसां थुकी थःगु निर्णय म्हो व दीपिकाया निर्णय अप्वः जुइगु खँ धाःगु दु । ‘थ्व बारे गुगुं नं निर्णय यायेत जिं दीपिकायात हे त्वःता बियागु दु’, रणवीरं धाःगु दु, ‘दीपिका हरेक मामिलाय् जि स्वयां उत्कृष्ट जू, जि स्वयां अप्वः समझदार थथे धायेत जितः छुं आपत्ति मदु ।’

 

सम्बन्धित बुखँ

LEAVE YOUR COMMENTS