रामेश व मल्लयात धुस्वां सिरपाः

येँ  – थुगु दँया गंकी–धुस्वां–बसुन्धरा पुरस्कारपाखें नेपालभाषाया उपन्यासकार मल्ल के. सुन्दर व धुस्वां साय्मि सिर्जना पुरस्कारपाखें जन गायक रामेशयात सम्मान याइगु जूगु दु । गंकी–धुस्वां–बसुन्धरा प्रतिष्ठानं निदँय् छक्वः नेपाःया थीथी भाषाया उपन्यासकारयात गंकी–धुस्वां–बसुन्धरा सिरपाः व नेपाली कला लिसें संगीत क्षेत्रय् विशिष्ट योगदान याःपिं व्यक्तित्वयात धुस्वां साय्मि सिर्जना सिरपाः बीगु याना वयाच्वंगु दु ।

नेपालभाषा साहित्यया उपन्यास विधाय् न्हूगु धार व न्हूगु चिन्तनं जाःगु उपन्यास च्वयादीगुलिं उपन्यासकार मल्लयात व नेपाःया जनपक्षीय संगीत क्षेत्रय् नेतृत्वदायी योगदान याःगुलिं जनगायक रामेशयात सम्मान यायेगु निर्णय याःगु खः । वइगु घ्यःचाकु संल्हू कुन्हु छगू ज्याझ्वःया दथुइ वय्कःपिंत हनीगु ज्याझ्वः दु ।

सम्बन्धित बुखँ

LEAVE YOUR COMMENTS