सा जम्मा ४ किलो

छुं दिं न्ह्यव संसारया हे दकलय् तःधिकःम्ह साया बारे जानकारी कयागु खः । अस्टे«लियाया छगू फार्मय् लहिनातःम्ह उम्ह साया तौल ३ हजार पाउण्ड दुगु व ६ फिट ४ इन्च धिकः दुगु जानकारी कयागु खः । आः अमेरिकया मिसिसिपी सहरय् छम्ह अज्याःम्ह सा लुया वःगु दु, गुम्ह सा मात्र ४ किलो जक दु ।

विश्वया हे दकलय् चिधिकःम्ह साया रुपय् गिनिज बुकय् तकं दर्ता यायेगु तयारी जुयाच्वंम्ह थ्व साचा स्वयेबलय् हे छम्ह भौचा थें च्वं । साया आकार व वयागु ग्यसु (तौल)य खनाः वया मालिक तकं तसकं अजू चाःगु खः । लिल बिल नांया सा थुवालं वयागु म्हधिकः थहां मवंगुलिं क्यनेत मिसिसिपी स्टेट युनिभर्सिटी अफ भेटेनरीइ तकं यंकल अनं च्वंपिं सकलें सकलें हे अजू चाल ।

उलि जक मखु पशु चिकित्सकयाथाय् क्यनेत यंकूगु इलय् ला स्वयम चिकित्सकत हे हैरान जुल । अय्नं चिकित्सकतय्सं साया परीक्षण यात । तर अस्वाभाविक तौल दुम्ह सा धाःसा पूर्णरुपं स्वस्थ जूगु खनेदत । मेडिकल कलेजं परीक्षणया झ्वलय् काःगु साया किपा थ्व इलय् सामाजिक संजालय् तच्वक भाइरल जुयाच्वंगु दु ।

सेयर याःपिं गाक्कं दु । थ्व साचाया तौल वयागु उमेरया सामान्य साया तौल स्वयां नं झिदुगं म्हो दु । उकिं थ्व सायात आः गिनिज बुक अफ वल्र्ड रेकर्डय् दकलय् चिधिकःम्ह साया रुपय् दर्ता याकेगु तयारी तकं जुयाच्वंगु दु ।