विश्व शारीरिक सुगठनय् महेश्वरयात ७५ केजीइ स्वर्ण

येँ – विश्व शारीरिक सुगठनय् नेपाःया महेश्वर महर्जनं स्वर्ण पदक त्याकूगु दु । थाइल्यान्डया चाङमइलय् जूगु झिक्वःगु विश्व शारीरिक सुगठन तथा फिजिक स्पोर्टस् च्याम्पियनशीपय् महेश्वरं ७५ केजी समूहय् स्वर्ण त्याकूगु खः । थ्व धेंधेंबल्लाखय् भारतया कासामिं रजत व सिंगापुरया कासामिं काँस्य पदक त्याकूगु खः ।
नेपाली कासामिं विश्वस्तरया खेलकूदय् स्वर्ण त्याकूगु थ्व न्हापांखुसी जूगु खँ धाःगु दु । अन्तर्राष्ट्रिय प्रतिस्पर्धाय् धाःसा महेश्वरया थ्व निगूगु स्वर्णपदक खः । थ्वयां न्ह्यः सन् २०१६ य् भूटान् जूगु ५० औं एसियन बडी बिल्डिङ एण्ड फिजिक स्पोर्टय् ७५ केजी समूहय् हे स्वर्ण त्याकूगु खः ।
मिस्तय् पाखे नेपाःया ननिता महर्जनं थगुने एथलेटिक्स फिजिक्सपाखे रजत पदक त्याकूगु खः ।