इयुनं नेपाली जहाजयात प्रतिबन्ध चीकीगु आशा

येँ – संस्कृति, पर्यटन तथा नागरिक उड्डयन मन्त्री रवीन्द्र अधिकारीं युरोपेली संघं नेपाली जहाजयात युरोपया आकाशय् ब्वयेकेत तयातःगु प्रतिबन्ध याकनं चीकीगु आशा प्वंकादीगु दु । वय्कलं छुं ई न्ह्यव जक इयुया अधिकारी, कुटनीतिक लिसे खँ ल्हानागु कथं याकनं हे प्रतिबन्ध चीकीगु सम्भावना दुगु खँ धयादीगु खः ।

हेलिकप्टर सोसाइटी अफ नेपालया उलेज्या यानादिसें वय्कलं थ्व खँ धयादीगु खः । अन्तर्राष्ट्रिय नागरिक उड्डयन संगठन (आइकाओं) गम्भीर सुरक्षा चासोयात चिइकेधुंकूगु अवस्थाय् आइकाओ मातहतया इयुनं नेपाःयात हाकुगु धलखय् तयातयेगुया औचित्य मदुगु खँ नं वय्कलं धयादीगु दु ।वय्कलं इयुनं धाःकथं न्यादँया अभ्यास व वयागु मापदण्डकथं सुधार यायेधुनागु खँ नं धयादीगु दु ।