
यल – नेवाः ख्यलय् जुइगु भाषिक, साहित्यिक, सांस्कृतिक लगायत थीथी कथंया ज्याझ्वः व गतिविधिया बारे जानकारी बीगु उद्देश्यं चायेकातःगु नेवाः सूचना केन्द्रया न्हापांगु दँमुँज्या जुल । केन्द्रया कजि राजेन्द्र रंजितया सभापतित्वय् न्ह्याःगु ज्याझ्वलय् सक्वया भाषासेवी नापं समाजसेवी राजदास श्रेष्ठ मूपाहांकथं झायादीगु खः ।
ज्याझ्वलय् दकलय् न्हापां केन्द्रयात सुचं बियाः ग्वाहालि यानादीम्ह नेपालभाषा आख्यानकार मथुरा साय्मिय व दकलय् अप्वः ज्याझ्वःया सुचं बियाः ग्वहालि याःगु नेपालभाषा बहुउद्देश्यीय सपूm सहकारी संस्थायात मतिनाया चिं नं लःल्हाःगु खः ।
संस्था नीस्वंगु दछिया दुने मुक्कं ग्वीछगू ज्याझ्वःया सुचं केन्द्रयात वःगु नं जानकारी बिउगु खःसा केन्द्रयात सुचं उपलब्ध याकूगु थीथी संघसंस्थायात नं सुभाय् पौ लःल्हाःगु खः ।
विशेष पाहांकथं देय् दबूया नायः नरेश ताम्राकार, प्रा.नर्मदेश्वर प्रधान, नेवाः न्ह्यलुवा डा. महेशमान श्रेष्ठ झायादीगु ज्याझ्वलय् पवित्र कसाःनं संस्थाया गतिविधि कनादीगु खःसा दुजः रवि महर्जनं लसकुस यानादीगु खः ।
LEAVE YOUR COMMENTS