ग्लोबल नेवाः सुपरस्टारया निंतिं नां छनोट
यल – ग्लोबल नेवाः सुपरस्टारया निंतिं संकिपा ख्यःया कलाकारतय् छगू मुँज्यां झिम्हेसिया नां मनोनयन याःगु दु । थनया सिलौटे रिसोर्ट न्यखुइ जूगु कलाकारतय् मुँज्यां न्याम्ह मिजं कलाकार व न्याम्ह मिसा कलाकारया नां ग्लोबल नेवाः सुपरस्टारया निंतिं मनोनयन याःगु खः ।
मिजं कलाकारपाखे राजु महर्जन, सुरज व्यञ्जनकार, रुपेन श्रेष्ठ, भोगेन्द्र मानन्धर व आर्यम नकःमिया नां छनोट याःगु दुसा मिसा कलाकारपाखे हिराशोभा महर्जन (हिसिला), भिंतुना जोशी, रोजिना सुवाल, अन्नपूर्णेश्वरी श्रेष्ठ व रजनी खड्गीयात मनोनयन याःगु दु ।
मनोनयनय् लाःपिं कलाकारत मध्ये थीथी चरणय् छनोट यानाः उकीमध्ये मिसा छम्ह व मिजं छम्हेसित नेवाः सुपरस्टार घोषणा याइगु जूगु दु । ग्लोबल नेवाः सुपरस्टार जुइत ताःलाःम्ह मिसा छम्ह व मिजं छम्ह कलाकारयात छगू छगू लाख तका सिरपाः बी ।
LEAVE YOUR COMMENTS