मदनकृष्णया हानं अपरेशन

येँ – ख्यालिजुजु मदनकृष्ण श्रेष्ठया पार्किसन्सया निक्वःगु शल्यक्रिया जुल । माइतीघरया अन्नपूर्ण न्युरो अस्पतालय् वय्कःया शल्यक्रिया याःगु खः । भाजु श्रेष्ठ वंगु गुदँ न्ह्यवंनिसें थुुगु ल्वचं पीडित जुयाच्वंगु खः । प्यदँ न्ह्यः छ्यंया जवगु भागय् अपरेशन यानाः अन नसा परिचालन याइगु चिप्स प्रत्यारोपण याःगु खः ।

उगु चिप्सया ब्याट्री धाःसा छातीइ अपरेशन यानाः प्रत्यारोपण यानातःगु दु । आः हानं छ्यंया खवगु भागय् नं अपरेशन यानाः मेगु चिप्स प्रत्यारोपण याःगु खः । अस्पताल सूत्रं धाः कथं थज्याःगु अपरेशन नेपालय् तसकं दुर्लभ खः । वय्कःयात थ्व सम्बन्धी न्हापांगु अपरेशन याःबलय् नेपालय् हे न्हापांखुसी जूगु खः ।

थ्व स्वयां न्ह्यः थज्याःगु अपरेशन विदेशय् जक जुइगु खः । शल्यक्रिया लिपा भाजु श्रेष्ठया अवस्था सामान्य जूगु खँ अस्पतालं धाःगु दु । थ्व अपरेशन लिपा वय्कःया ल्वय् छुं भचा नियन्त्रणय् वये फइगु व आः छुं ई आराम यायेमाःगु खँ नं धाःगु दु ।